Elbenita Kajtazi merr çmim nga Fondacioni operistik i Hamburgut

Sopranoja kosovare, Elbenita Kajtazi, sot ka dhënë një lajm të mrekullueshëm.

Përmes një postimi në llogarinë e saj në ‘Facebook’, tregoi që është nderuar me çmimin “Dr. Ëilhelm Oberdörffer – Preis”, që ndahet nga Fondacioni operistik i Hamburgut në Gjermani, shkruan Indeksonline.

Ajo u shpreh se është krenari që është vlerësuar kaq lartë nga qyteti i Hamburgut.

Postimi i plotë pa ndërhyrje:

“Të dashur miq, sot jam shumë e lumtur të ndaj me ju një lajm të mrekullueshëm për rrugëtimin tim si këngëtare lirike.  Mbrëmë me kënaqësinë më të madhe kam pranuar cmimin  “Dr. Ëilhelm Oberdörffer – Preis“ çmim ky i cili ipet nga Fondacioni operistik i Hamburgut për artistë të cilët kanë treguar suksese të mëdha gjatë sezoneve të fundit.

Në çertifikatën e çmimit thuhet:

“Elbenita Kajtazi jo vetëm që ka një talent të veçantë, ajo është edhe një muzikante shumë zgjuar. Vitet e fundit ajo hap pas hapi është rritur në rolet më kërkuese. Së fundmi, si Manon dhe Violetta, ajo ka dëshmuar se në një mbrëmje operistike mund të shkëlqej dhe të zgjoj gjthë publikun në këmbë. Arti i saj i pasionuar, i dashur dhe në të njëjtën kohë shumë natyral e bën atë një artiste që vlerësohet si nga kolegët ashtu edhe nga publiku.”

Është një privilegj dhe krenari e madhe për mua të vlerësohem kaq lart nga qyteti i Hamburgut. Për këto 8 vite që jetoj dhe punoj në Gjermani kam pranuar vetëm përkrahje dhe vetëm dashni dhe shtytje përpara për zhvillimin e një rrugtimi të mrekullueshëm operistik”./Indeksonline/