Rohde: Gjermania mbështet forcimin e sundimit të ligjit në Kosovë

Kryetarja e Gjykatës Kushtetuese të Republikës së Kosovës, Gresa Caka –
Nimani priti në takim ambasadorin e Republikës Federale të Gjermanisë në Kosovë, Jörn Rohde.

Puna e deritanishme e Gjykatës Kushtetuese, përpjekjet për rritjen e transparencës në punë dhe për konsolidimin e praktikës gjyqësore në harmoni me standardet egjyqësisë kushtetuese evropiane, ishin ndër temat e diskutuara në takimin e përbashkët.

Kryetarja Caka – Nimani shfrytëzoj rastin që të shpreh falënderimin e saj për mbështetjen e vazhdueshme që Qeveria gjermane i ka ofruar Gjykatës Kushtetuese që nga themelimi, nëpërmjet projekteve të ndryshme të zbatuara me përkrahjen e agjencisë gjermane për bashkëpunim ndërkombëtar “GIZ” dhe fondacionin gjerman për bashkëpunim ligjor ndërkombëtar “IRZ”.

Ambasadori Rohde konfirmoi zotimin e Qeverisë gjermane për mbështetjen e institucioneve të Kosovës në përpjekjet për forcimin e sundimit të ligjit në vend.