Duke luftuar agresorin rus ushtarët ukrainas i gëzohen golave të Ukrainës kundër Skocisë
Kombëtarja e Ukrainës mbrëmë bëri një hap të madh drejt kualifikimit në Kampionatin Botëror “Katar 2022”, ku në gjysmëfinale të playoff-it e mposhti Skocinë.
Ukrainasit triumfuan me rezultat 3:1 kundër Skocisë, vetëm për të arritur në finale të playoff-it për në Botërorit “Katar 2022”, ku aty i pret Kombëtarja e Uellsit, përcjell KosovaPress.
Golin e nderit për skocezët e shënoi Callum McGregor, kurse tek Ukraina, golashënues ishin Yarmolenko, Yaremchuk dhe Dovbyk.
Ndërkaq, golat e ukrainasve nuk sollën gëzim vetëm për tifozët në stadium, por edhe për ushtarët që janë duke luftuar për Ukrainën kundër agresorit rus.
Pavarësisht se është kohë e luftës, disa ushtarë ukrainas përmes një video të publikuar në “Instagram” shihet se i gëzohen tej mase golave të Ukrainës.
