Trump kërkon bartjen e ambasadës amerikane në Jerusalem, thotë se është kryeqytet i Izraelit

Presidenti i Amerikës, Donald Trump ka deklaruar se SHBA zyrtarisht do të njeh Jerusalemin si kryeqytetin e Izraelit.

Në një konferencë për media, Trump ka bërë të ditur se tashmë ka kërkuar nga Departamenti Amerikan i shtetit që sa më shpejtë të bartë ambasadën amerikane nga Tel Avivi në Jerusalem.

Gjithashtu sipas AJ-plus, tashmë Trump ka deklaruar për lëvizjen e politike që përmbysë shtatë dekada të politikës së jashtëm të SHBA-së, transmeton Indeksonline.

Trump poashtu ka thënë se ky vendim nuk është kundër askujt por që është vendim i marrë dekada më herët por i pa zbatuar deri më sot.

“Unë kam vendosur se është koha që të njohim zyrtarisht Jerusalemin si kryeqytetin e Izraelit. Ndërsa presidentët e mëparshëm e kanë bërë këtë një premtim të madh të fushatës, por nuk arritën ta dorëzojnë atë. Sot po e bëj”, ka thënë Trump.

Sipas tij të gjitha sfidat kërkojnë qasje të re.

“Njoftimi im sot shënon fillimin e një qasje të re për konfliktin midis Izraelit dhe palestinezëve.

“SHBA-të mbetën thellësisht të përkushtuara për të ndihmuar në lehtësimin e një marrëveshje paqësore që është e pranueshme për të dy palët. Kam ndërmend të bej gjithçka që është në fuqinë time për të ndihmuar në krijimin e një marrëveshje të tillë”, ka shtuar Trump, shkruan Indeksonline.

“Sigurisht që do të ketë mosmarrëveshje dhe mosmarrëveshje lidhur me këtë njoftim, por jemi të sigurt se, përfundimisht, teksa punojmë në këto mosmarrëveshje, do të arrijmë në një vend plot mirëkuptim”, ka shtuar ai./Indesonline/