Nesër varroset 23 vjeçari që vdiq tragjikisht në Pejë

Mbrëmjen e djeshme në fshatin Qyshk të Pejës ndodhi një aksident trafiku, me ç’rast humbi jetën i riu, Albin Thaçi, shkruan IndeksOnline.

23 vjeçari do të varroset ditën e nesërme në varrezat e fshatit Jallanicë e Leshanit, në ora 15:00.

Policia e Kosovës është deklaruar për rastin, derisa kanë treguar edhe sesi është arritur deri tek aksidenti fatal.

“Ju informojmë se me datë 06 qershor 2022, rreth orës 21:25, Policia është informuar për një aksident trafiku i cili ka ndodhur në rrugën Pejë- Prishtinë në fshatin Qyshk. Vendit të ngjarjes ju kanë përgjigjur njësitet kompetente të Drejtorisë Rajonale të Policisë në Pejë. Deri te aksidenti ka ardhur pasi që ngasësi i veturës duke mos iu përshtatur kushteve të rrugës dhe shpejtësisë, me të arritur në fshatin Qyshk, del nga rruga dhe ndeshet me një veturë (kombi) i cili ishte i parkuar jasht rruge duke shkaktuar aksident trafiku.I lënduari është dërguar në emergjencën e Spitalit Rajonal në Pejë, dhe sipas ekipit mjekësor viktima (mashkull i lindur me 1999) në spital ka arritur pa shenja jete. Me urdhër të Prokurorit shtetit trupi i pa jetë i viktimës është dërguar në Institutin e Mjekësisë Ligjore në Prishtinë për obduksion”, thuhet në njoftimin e Policisë./Indeksonline/