Klubi Futbollistik Prishtina, ka njoftuar se ka vazhduar kontratën me portierin Ardit Nika dhe futbollistin Endrit Krasniqi, raporton Indeksonline.

Pak ditë pas njoftimit se klubi më i trofeshëm Kosovar ka ndërprerë bashkëpunimin me Endrit Krasniqin, futbollistin më të mirë të sezonit të kaluar në Superlig të shpallur nga FFK-ja, Prishtina ka arritur ta mbaj edhe për një sezon në skuadër.

“Klubi dhe lojtari ditë më parë nuk arritën marrëveshje për ta vazhduar bashkëpunimin, mirëpo e pamundura e bë e mundur duke e gjetur gjuhën e përbashkët në ditët e fundit për ta vazhduar bashkëpunimin edhe për vitin e ardhshëm.”, thuhet në njoftim.

Në 123 paraqitje me Prishtinën, Kraaniqi ka realizuar 25 gola.

Ai me Prishtinën e ka fituar një titull kampion, dy Kupa të Kosovës dhe dy Superkupa.

Prishtina po ashtu ka njoftuar edhe për vazhdimin e kontratës së gardianit Ardit Nika.

Ai ka nënshkruar një kontratë dy vjeçare me klubin e Prishtinës.

“Vendosa që të vazhdoj me Prishtinën për arsye se Prishtina është klubi më i madh në shqiptari. Kjo është zgjedhje shumë e mirë për mua, për të ardhmen pasi që dihet se Prishtina është klub me traditë dhe më i trofeshmi në Kosovë.

Kemi rënë dakord për kontratë dy-vjeçare dhe e kemi gjetur një mes të përbashkët që të dyja palët të jemi të kënaqura. Jam shumë i kënaqur me kushtet e ofruara nga klubi.”, ka thënë Nika pas vazhdimit të kontratës./Indeksonline/