Statovci për projektligjet e miratuara në sesionin pranveror: Është sesioni me më së shumti projektligje të miratura në historinë e parlamentarizmit të Kuvendit

Deputetja nga radhët e Listës Guxo, Jeta Statovci, ka njoftuar mbi përfundimin e sesionit pranveror të punës së Kuvendit të Kosovës.

Ajo ka thënë se ishte një sesion i suksesshëm, me projektligje të miratuara, e me marrëveshje ndërkombëtare.

“Ajo që duhet theksuar është se ky sesion pranveror – pra i vitit 2022, është sesioni me më së shumti projektligje të miratura në historinë e parlamentarizmit të Kuvendit – gjithsej janë miratuar 87 projektligje, prej tyre 18 marrëveshje ndërkombëtare” shkroi Statovci në Facebook.

Ajo tregoi edhe për projektligjet e proceduara e propozuara nga Kuvendi.

“Na priftë e mbara në sesionin vjeshtor” shtoi deputetja.

Ky është shkrimi i saj i plotë:

Sot u mbyll sesioni pranveror i Kuvendit të Kosovës

Ajo që duhet theksuar është se ky sesion pranveror – pra i vitit 2022, është sesioni me më së shumti projektligje të miratura në historinë e parlamentarizmit të Kuvendit – gjithsej janë miratuar 87 projektligje, prej tyre 18  marrëveshje ndërkombëtare.

Deri me tani, në Kuvendin e Republikës së Kosovës, janë proceduar 159 Projektligje, prej tyre nga Qeveria 147, ndërkaq 11 projektligje janë propozuar nga Kuvendi.

Na priftë e mbara në sesionin vjeshtor