Për tre muaj, arabët fituan neto 42,5 miliardë euro me naftë

Në tremujorin e tretë të vitit, fitimi neto i Saudi Aramco-s, kompanisë kombëtare të naftës të Arabisë Saudite, u rrit me 39 për qind krahasuar me të njëjtën periudhë të një viti më parë për shkak të çmimeve të larta të naftës, duke arritur në 42,4 miliardë dollarë.

Saudi Aramco njoftoi rezultatet e saj financiare për tremujorin e tretë të vitit 2022. Aramco, një nga kompanitë më të vlefshme në botë, rriti fitimin neto me 39 për qind në 42,4 miliardë dollarë në periudhën korrik-shtator 2022.

Kompania njoftoi fitim neto prej 48 miliardë dollarë në periudhën prill-qershor. Tërheq vëmendje që fitimi i tremujorit të tretë ishte fitimi neto i dytë më i madh që nga oferta publike e kompanisë për shkak të çmimeve të larta të naftës, shkruan IndeksOnline.

Kompania njoftoi fitim neto prej 30,4 miliardë dollarësh në të njëjtën periudhë të vitit të kaluar.

Kompania në deklaratën e saj tha se fitimi neto prej 42,4 miliardë dollarësh ishte “kryesisht i nxitur nga çmimet më të larta të naftës së papërpunuar dhe vëllimet e rritura”.

Në vlerësimin e tij mbi këtë temë, Shefi Ekzekutiv (CEO) Saudi Aramco-s, Amin Nasser, theksoi se çmimet globale të naftës bruto ndikohen nga pasiguria në lidhje me perspektivën e vazhdueshme ekonomike dhe tha: “Pikëpamja jonë afatgjatë është se kërkesa për naftë do të rritet gjatë dhjetë viteve të ardhshme, duke pasur parasysh nevojën e botës për energji më të përballueshme dhe të besueshme”.

Saudi Aramco do të paguajë 18,8 miliardë dollarë dividendë për aksionarët e saj në tremujorin e tretë. Kjo tërheq vëmendjen si pagesa më e lartë në botë në këtë fushë.

Arabia Saudite njihet si një nga vendet prodhuese më të lira të naftës në botë, me burimet e saj të mëdha të naftës të vendosura në shkretëtirat e saj.

Sipas Institutit të Financave Ndërkombëtare (IIF), për çdo 10 dollarë rritje të çmimit të një fuçie nafte, Arabia Saudite fiton 40 miliardë dollarë shtesë në vit.