“Rezervat tona ushtarake janë varfëruar”, Borrell thirrje Europës: Duhet të shpenzojmë më shumë për mbrojtjen

Shefi i politikës së jashtme të BE-së ka bërë thirrje për më shumë punë për sigurinë dhe mbrojtjen evropiane, duke i kërkuar rajonit të shpenzojë më mirë dhe të bashkëpunojë më shumë.

“Kjo luftë ka qenë gjithashtu një thirrje zgjimi për të gjithë ne në lidhje me aftësitë tona ushtarake. Ne i kemi dhënë armë Ukrainës, por duke vepruar kështu, kuptuam se rezervat tona ushtarake janë varfëruar. Me rikthimin e luftës konvencionale në zemër të Europës, ne kuptuam gjithashtu se na mungojnë aftësitë kritike të mbrojtjes, për të qenë në gjendje të mbrohemi nga një nivel më i lartë kërcënimesh në vetë kontinentin europian”, tha Borrell.

Borrell citoi gjithashtu të dhëna nga agjencia e mbrojtjes e BE-së që tregojnë se evropianët po shpenzojnë më shumë për mbrojtjen.

Data from @EUDefenceAgency show Europeans are spending more on defence. Now we must also spend better and cooperate more. To support Ukraine, address urgent needs, and prepare for the future. My new blog post on #EUDefence: https://t.co/kzMSxTwM9r pic.twitter.com/7EHcn5pf7B

— Josep Borrell Fontelles (@JosepBorrellF) December 11, 2022