Legjenda e Interit kritikon ashpër Lukakun

Legjenda e Interit, Beppe Bergomi nuk u përmbajt në kritikat ndaj Romelu Lukakut pas barazimit 2-2 me Monzën. Sezona e Lukaku është mbizotëruar nga problemet e dëmtimeve, të cilat vazhduan gjatë Kupës së Botës të zymtë të Belgjikës në Katar dhe po përpiqet të rikthehet në gjendje fizike të mirë tani.

“Lukaku hyri në lojë kundër Monzas, ai ishte thjesht i turpshëm”, tha legjenda e Interit dhe eksperti i Sky Sport Italia, Bergomi në Radio 24.

“Ai nuk mund ta mbante topin, dukej i frikësuar prej tij. Nuk e di në këtë pikë nëse bëhet fjalë vetëm për gjendjen e tij fizike apo edhe gjendjen e tij mendore. Ndjehet sikur po mban me vete atë që ndodhi në Kupën e Botës”.

Belgjika hyri në turne si një nga skuadrat më të larta në renditjen botërore të FIFA-s, por u eliminua në fazën e grupeve.