Lëvizje të reja për marrëveshjen Mbappe – Real Madrid

Real Madrid thuhet se ka bërë ‘lëvizje’ në interesimin e tyre për të nënshkruar me Kylian Mbappe që nga Kupa e Botës.

Superylli 24-vjeçar i PSG-së dukej i destinuar për një lëvizje në Madrid verën e kaluar, por ai nënshkroi një marrëveshje të re sensacionale për të qëndruar në Paris deri në vitin 2024 – me opsionin për ta zgjatur atë me një vit.

Por The Athletic, raporton se Madridi ka mbajtur kontakte më diskrete me Mbappe dhe përfaqësuesit e tij, dhe se ka pasur lëvizje që nga humbja e rëndë e Francës ndaj Argjentinës në Katar, transmeton IndeksOnline.

E ardhmja e sulmuesit mbetet e paqartë me përfaqësuesit e Mbappes që refuzojnë të komentojnë dhe Real Madridi këmbëngul se nuk kanë dëgjuar asgjë që nga vera.

Vendimi i Mbappe për të nënshkruar një marrëveshje të re me vlerë 650,000 £ në javë me PSG verën e kaluar befasoi shumë, pasi pritej  se ai do t’i bashkohej Madridit.

Megjithëse kampionët spanjollë ishin të pakënaqur nga vendimi i Mbappe, presidenti i klubit Florentino Perez nuk e ka mbyllur derën për një lëvizje të ardhshme për fituesin e Kupës së Botës 2018.

Ai gjithashtu pohoi se vendimi ishte ndikuar nga presidenti francez Emmanuel Macron, i cili thuhet se e kishte telefonuar Mbappe duke i kërkuar që të qëndronte në Ligue 1.

Mbappe është përfshirë në spekulime për lumturinë e tij te PSG.

Një transferim te Real Madridi mund të mos ndodhë në janar apo verë, por perspektiva sigurisht që nuk është zhdukur.

Një burim i PSG tha për The Athletic: “I vetmi klub që mund ta largojë atë nga këtu është Real Madrid. /IndeksOnline/