Chollet mirëpret vendimin e Kosovës lidhur me propozimin evropian

Këshilltari i Departamentit Amerikan të Shtetit, Derek Chollet ka mirëpritur vendimin e Kosovës për ta pranuar propozimin evropian për normalizimin e marrëdhënieve me Serbinë.

Nëpërmjet një postimi në Twitter, Chollet tha se zbatimi i propozimit evropian do të sigurojë përfitime të rëndësishme për të dyja vendet.

Menjëherë pas tij, ka ardhur edhe reagimi i ambasadorit amerikan në Kosovë.

Krahas postimit të Chollet, ambasadori amerikan shprehet se SHBA-ja do t’i mbështesë plotësisht hapat e ardhshëm për propozimin e BE-së.

“Ne do të mbështesim plotësisht hapat e ardhshëm për propozimin e BE-së. Ky progres është i rëndësishëm për Kosovën pasi ne mbështesim integrimin e saj të plotë në strukturat euroatlantike dhe ndërkombëtare”, shkruan ambasadori amerikan.

Më 6 shkurt, kryeministri Albin Kurti konfirmoi se pranon propozimin e bllokut evropian pas një takimi me të dërguarin e BE-së për dialogun Miroslav Lajçak.