Shifra shqetësuese/ Rriten rastet e dhunës në familje, gratë viktima

Dhuna në familje ka marrë përmasa shqetësuese. Së fundi ka shumë raste të paraqitura në polici. Vetëm gjatë 24 orëve të fundit, policia ka hapur gjashtë raste të tilla në gjithë vendin. Sipas policisë, një rast ka ndodhur në Obiliq, një në Fushë Kosovë, një në Novobërdë, një në Viti, një në Pejë dhe një në Gjakovë. Katër burra janë arrestuar dhe janë dërguar në qendrën e mbajtjes ndërsa dy të tjerë janë liruar në procedurë të rregullt, transmeton IndeksOnline.

Raportet e policisë për secilin rast:

DHUNË NË FAMILJE
Obiliq 01-02.03.2023 – NN. Viktima femër kosovare ka raportuar se është sulmuar fizikisht nga i dyshuari mashkull kosovar. Viktimës i është ofruar tretman mjekësor. Në lidhje me rastin është konsultuar prokurori i cili ka rekomanduar që viktima të dërgohet në strehimore ndërsa i dyshuari pas intervistimit të lirohet në procedurë të rregullt.

DHUNË NË FAMILJE
Fushë Kosovë 05.03.2023 – 12:00. Është arrestuar i dyshuari mashkull kosovar nën dyshimin se i njëjti pas një mosmarrëveshje e ka sulmuar fizikisht viktimën kosovar . Viktimës i është ofruar tretman mjekësor, ndërsa me vendim të prokurorit i dyshuari pas intervistimit është dërguar në mbajtje.

DHUNË NË FAMILJE & LËNDIM I LEHTË TRUPOR
Novobërdë 03.04.2023 – 21:00. Është arrestuar i dyshuari mashkull kosovar për shkak se e kishte sulmuar fizikisht viktimën femër kosovare. Viktima si pasojë e rastit ka pranuar tretman mjekësor, kurse i dyshuari pas intervistimit me vendim të prokurorit është dërguar në mbajtje.

DHUNË NË FAMILJE
Viti 05.03.2023-21:00. Ankuesja femër kosovare ka raportuar se i dyshuari mashkull kosovar në vazhdimësi i shkakton dhunë psikike, palët janë intervistuar dhe me vendim të prokurorit, rasti në procedurë të rregullt.

DHUNË NË FAMILJE & SULM
Pejë 05.03.2023, 16:40. Është arrestuar i dyshuari mashkull kosovar pasi që i njëjti nën ndikim të substancave narkotike kishte sulmuar fizikisht dy viktimat femra kosovare. Viktima ka pranuar tretman mjekësor, ndërsa i dyshuari pas intervistimit me vendim të prokurorit është dërguar në mbajtje.

DHUNË NË FAMILJE
Gjakovë 05.03.2023-19:00. Është arrestuar e dyshuara femër kosovare pasi që e njëjta në ndikim të alkoolit ka shkaktuar dhunë psikike dhe fizike me ç’rast lëndime ka pësuar viktima mashkull kosovar i cili ka pranuar tretman mjekësor. Me vendim të prokurorit, e dyshuara është dërguar në mbajtje.