Kusari-Lila ndanë një lajm të mirë pak para mesnatës: 260 milionë euro për Kosovën

Shefja e Grupit Parlamentar të LVV-së, Mimoza Kusari-Lila, ka ndarë detaje mbi marrëveshjen mes Fondit Monetar Ndërkombëtar dhe Qeverisë së Kosovës.

Fondi është paraparë të investojë deri në 260 milionë euro në Kosovë.

“Një pjesë e këtyre mjeteve, 80 milionë euro, pritet të jenë në dispozicion për investime në ndërtim të kapaciteteve të reja të energjisë së ripërtërishme me erë dhe diellore.

Ndërsa, pjesa tjetër e mbështetjes do të jetë në formën e një Aranzhimi për Gatishmëri në vlerë prej 100 milionë euro për 2 vitet e ardhshme” ka thënë mes të tjerash Kusari-Lila.

Ky është njoftimi i plotë i saj:

Kosova dhe FMN arrijnë marrëveshje për program të ri mbështetës në vlerë deri në 260 milion euro

Sukses i jashtëzakonshëm i Qeverisë së Kosovës, përmbyllen diskutimet dhe finalizohet programi i ri mbështetës me Fondin Monetar Ndërkombtar në vlerë 260 milion Euro, gjatë qëndrimit në takimet pranverore të Zv/Kryeministrit Besnik Bislimi dhe Ministrit Hekuran Murati, në Washingron D.C.

Një pjesë e këtyre mjeteve, 80 milion Euro, pritet të jenë në dispozicion për investime në ndërtim të kapaciteteve të reja të energjisë së ripërtërishme me erë dhe diellore.

Ndërsa, pjesa tjetër e mbështetjes do të jetë në formën e një Aranzhimi për Gatishmëri në vlerë prej 100 milionë euro për 2 vitet e ardhshme.