Britania e Madhe furnizon me raketa Ukrainën

Britania e Madhe konfirmon se po furnizon Ukrainën me raketa me rreze të gjatë veprimi.

Këto raketa, Ukraina i kishte kërkuar për luftën kundër forcave pushtuese ruse, shkruan BBC, transmeton Indeksonline.

Sipas prodhuesit, raketa e lundrimit Storm Shadow ka një rreze prej mbi 250 km.

Në anën tjetër, raketat Himars të furnizuara nga ShBA kanë rreze veprimi prej rreth 80 km.

Armët do t’i japin Ukrainës aftësi të reja, teksa shteti po përgatit një kundërsulm kundër Rusisë.

Raketat shkarkohen nga avionët, kështu që distanca më e madhe do të thotë që pilotët ukrainas do të jenë në gjendje të qëndrojnë më larg nga vijat e frontit.

Sapo të lëshohet, Storm Shadow bie në lartësi të ulët për të shmangur zbulimin nga radari i armikut, përpara se të kapet në objektivin e tij me një kërkues infra të kuqe.

Njoftimi u bë në Dhomën e Komunave nga Sekretari i Mbrojtjes i Mbretërisë së Bashkuar, Ben Wallace. 

Vendimi vjen pas lutjeve të përsëritura nga Ukraina për më shumë armë nga Perëndimi.