Ansambli kosovar merr pjesë në një festival në Greqi, provokohen nga serbët

Artistët e qendrës kulturore artistike “Anamorava” nga Vitia, janë provokuar nga shikuesit e pushuesit serbë që ishin në Paralia të Greqisë, gjatë një festivali ndërkombëtar në shtetin grek.

Por kjo nuk i ka ndalur kosovarët që të shkëlqejnë dhe të mahnisin me perfomancën e tyre publikun në festivalin me pjesëmarrës nga e gjithë bota.

Drejtori i QK Anamorava, Aarianit Hetemi, tha se kanë pasur një paraqitje dinjitoze përkundër provokimeve nga disa serbë që kërkonin largimin e flamurit të Republikës së Kosovës.

“Kemi pas një paraqitje mahnitëse në Paralia të Greqis me një program kulturor e artistik. Përkundër shumë provokimeve nga disa pushues serbë dhe kërkesave që flamuri i Republikës së Kosovës të largohet, QK “Anamorava” me artistët e vetë, nuk u zmbrapsë duke realizuar programin kulturore artistik të plotë, ku prezantuam një mori vallesh nga Karadaku dhe Anamorava, gjithashtu edhe artisti i madhe, Fahrush Azemi me zerin e veçantë dominoi skenën, ashtu siç dinë, sikur i qante edhe valet e detit Egje!

Provokimet e her pas hershme nga disa serbë që grumbulloheshin duke  tentuar fshehurazi ta rrëmbenin flamurin e R.Kosoves, artistët tanë qendruan stoik dhe ju tregun se nuk munden as t’i ofrohen flamurit tonë. Edhe pse nga sikleti ndonjëherë dëgjoheshin klithmat e tyre duke bërtitur Serbia, Serbia, lele bozhe, artistët e Anamoraves ju treguan se si prezantohet dinjitetshëm Republika e Kosovës. Falënderojmë MKRS për mbështetjen dhe DKRS-Viti.