‘’Djalli’’, blogerja që ndiqte nga pas ‘yjet’ e Chelseas del para gjykatës, pritet dënimi i saj

Një modele e vetëquajtur ‘djall bebe’, e cila fjeti një natë me l, Mason Mount, ishte fiksuar pas lojtarit dhe nuk po e linte të qetë

Orla Sloan, 22 vjecare, pranoi se kishte shënjestruar Mount, shokun e tij të skuadrës në Chelsea, Ben Chilwell dhe lojtarin skocez, Billy Gilmour, pas një feste në shtëpinë e Chilwell.

Ajo ndryshoi numrin e saj të telefonit  21 herë për të kontaktuar me Mount kur ai e bllokoi atë, duke i premtuar se do të ndalonte blerjen e ushqimit në mënyrë që të kursente para për kartat e reja SIM.

Mount, 24 vjeç, tha se ishte i tmerruar pasi ajo shfaqej në terrenin stërvitor të Chelseat në Cobham.

Gilmour, 21 vjeç, i cili u transferua në Brighton and Hove Albion vitin e kaluar, tha se ishte aq i traumatizuar sa nuk mund të flinte.

Blogerja, tashmë po përballet me një dënim të mundshëm me burg në Gjykatën e Magjistraturës Westminster sot.

“Kishte komunikim mes tyre për gjashtë muaj, pas së cilës zoti Mount vendosi që marrëdhënia nuk do të përparonte dhe vendosi t’i jepte fund kontaktit me të pandehurin. Pas kësaj ai iu nënshtrua një bombardimi mesazhesh.’’, tha avokati i lojtarit.

Mount i kërkoi asaj të ndalonte mesazhet dhe bllokoi numrin e Sloan, por ajo filloi t’i dërgonte mesazhe atij nga numra të ndryshëm, duke përdorur përfundimisht 21 në total, dëgjoi gjykata.

Në një mesazh në ËhatsApp, duke përdorur emrin “Vetëm Zoti 10”, ajo shkroi: “Mësova për Bethany, Esme dhe më shumë – do të zbuloj gjithçka”.

Ajo i dërgoi atij një foto të vetes duke paguar 12.99 £ për një numër të ri telefoni, duke i thënë: “Unë nuk po blej më ushqim që të mund të marr më shumë numra.”

Dhe Sloan gjithashtu shkroi: “Unë me të vërtetë dua të kërkoj falje dhe nëse mund të më flasimdhe të më tregoni se si ndiheni, do ta vlerësoja vërtet sepse e kam të vështirë të kaloj nga kjo situatë. Duhet të pranosh faljen time dhe të më kërkosh falje përndryshe do të zhbllokosh një personazh të ri të quajtur “Devil Baby”, kështu që më lër të kërkoj falje dhe ta rregulloj”.

Mount më pas filloi të merrte mesazhe në Instagram nga një llogari e quajtur ‘Devil Baby’, e cila gjithashtu publikoi një kolazh fotografish të yllit të Anglisë me gra të tjera, me futbollistin, miqtë dhe familjen e tij të etiketuar në imazhe.

Në një deklaratë të lexuar në gjykatë, Mount, i cili ka 36 paraqitje për Anglinë, tha: “Ajo e di se ku jetoj dhe ku stërvitem. Jam i shqetësuar pasi ajo nuk është në gjendje të më kontaktojë se mund të paraqitet në qendrën time të trajnimit.”

Sloan pranoi një akuzë për ngacmim pa dhunë ndaj Chilwell dhe dy për ndjekje në lidhje me Mount dhe Gilmour.

Gjykatësja e qarkut Neeta Minhas e paralajmëroi atë se mund të përballet me një dënim me burg për veprat e ndjekjes dhe të dënohet në të njëjtën gjykatë më 20 qershor. /IndeksOnline/