Shefi i Wagnerit ndodhet në Rusi, e thotë ky udhëheqës

Kreu i grupit mercenar Wagner, Yevgeny Prigozhin – i cili udhëhoqi një rebelim të armatosur jetëshkurtër në Rusi muajin e kaluar – ndodhet në Rusi, thotë udhëheqësi i vjetër i Bjellorusisë, Alexander Lukashenko.

Vendndodhja e Prigozhinit ka qenë një mister që kur ai u pa në Rusinë jugore gjatë rebelimit, raporton BBC.

Sipas një marrëveshjeje për t’i dhënë fund kryengritjes, akuzat kundër Prigozhin u hoqën dhe ai do të lejohej të transferohej në Bjellorusi.

Lukashenko ndihmoi ndërmjetësimin e marrëveshjes për t’i dhënë fund kryengritjes.