Martesa e Ariana Grande-s në krizë?

Ariana Grande ka ndezur thashethemet se martesa e saj me Dalton Gomez është në krizë, pasi është parë sërish pa unazën e saj të martesës. Ajo është fotografuar pa diamantin rrëzëllitës në gishtin e saj të martesës, krah Andrew Garfield dhe Jonathan Bailey.

Ariana është fotografuar edhe në prill pa unazën e martesës, çka i ka bërë njerëzit të mendojnë se problemet e tyre janë të hershme.

Sigurisht, njerëzit në Twitter shprehën habinë dhe pretenduan se po, martesa e tyre po kalon një krizë.
 
“Më fal, nuk dua të nis ndonjë thashethem, por a vuri re njeri që në gishtin e saj të unazës nuk ka unazë?”, shkroi dikush.
 
“Ariana Grande dhe i shoqi kanë probleme! E ndiej! E di”, tha një tjerër person, shoqëruar me emoji që shpërthen në lot.
 
Gjithsesi, pavarësisht panikut, të tjerë njerëz u shprehën se ka shumë arsye se pse Ariana mund të mos e ketë vendosur unazën. Një ndër to, është sepse ndoshta është duke i bërë ndonjë shërbim, ose po i rrit vlerën në karatë.

Ariana nuk ka qenë shumë aktive në rrjetet sociale dhe në shumë postime në Instagram, unaza e saj mungon.