Ilaçi për dobësim që po shitet si ëmbëlsirat, e rregullon oreksin dhe iu bën të ngopur

Shiringa për humbje peshe Wegovy është një hit i momentit kudo. Ilaçi dobësues Wegovy nga kompania farmaceutike daneze Novo Nordisk po shitet si ëmbëlsira në Shtetet e Bashkuara.

Kërkesa tani është aq e madhe saqë kompania po ankohet për pengesat e furnizimit. Bumi siguroi që Novo Nordisk të jetë aktualisht kompania më e vlefshme në Evropë – përpara prodhuesit të mallrave luksoze LVMH.

GLP-1 është një hormon natyral në trup që rregullon oreksin dhe krijon një ndjenjë të ngopjes. Kështu, ai parandalon që dikush të vazhdojë të jetë i uritur ose të ketë nevojë për ushqim, shkruan Indeksonline.

Wegovy injektohet një herë në javë si një injeksion i mbushur paraprakisht në stomak, kofshë ose në pjesën e sipërme të krahut. Pacientët mund ta bëjnë vetë injeksionin.

Sipas studimeve, me përdorim të rregullt, mund të arrihet një reduktim në peshë me të paktën pesë, por mesatarisht 15 për qind të peshës tuaj trupore.

Megjithatë, ilaçi ka edhe efekte anësore si dhimbje koke, të vjella, diarre, kapsllëk dhe dhimbje barku, shkruan Indeksonline.

Për të ruajtur efektin, ilaçi duhet të merret vazhdimisht. Pas një viti përdorimi, pesha mund të mbahet vetëm, por atëherë nuk mund të pritet sukses i mëtejshëm në humbjen e peshës.

Vlera e tregut të aksioneve të kompanisë farmaceutike u rrit në 421 miliardë dollarë të premten e kaluar.

Falë Novo Nordisk, PBB-ja daneze u rrit me 1.7 pikë përqind.

Megjithatë, suksesi i ekonomisë së Danimarkës ka edhe anën e tij negative. Sipas ekonomistëve danezë, tani ka një fluks ekstrem të valutave të huaja në vend, i cili nga ana tjetër po rrit vlerën e koronës daneze.

Kostot në muaj dhe pacientit janë rreth 300 euro për këtë ilaq. Në SHBA, ilaçi është shumë më i shtrenjtë: një racion mujor kushton atje 1349 euro./Indeksonline/