RTK në 2024 do ta ketë edhe Champions Leaguen

Liga e Kampionëve do të rikthehet në RTK për sezonet 2023-2027.

Lajmin e ka bërë të ditur drejtori i televizionit publik të Kosovës, Shkumbin Ahmetxhekaj përmes një njoftimi në rrjetet sociale.

Ai përveç se ka renditur sukseset gjatë vitit, ka përmendur rikthimin e Ligës së Kampionëve, Europa Leaguen dhe Ligën e Konferencave.

Ky është njoftimi i tij:

Gëzuar 2024! Shumë arsye për të festuar me ne në këtë fundvit. Programi festiv është vërtet cilësor dhe i shumëllojshëm në të gjitha kanalet dhe platformat e RTK-së. E bashkë me këtë program fantastik, ne po e përmbyllim një vit sfidues por të sukseshëm për transmetuesin publik me projekte të finalizuara që do të kenë impakt afatgjatë në synimin tonë për transformim: * Bëmë histori me nisjen e Festivalit të Këngës, për të cilin u punua që nga Maji i vitit 2022 kur dorëzuam projektin në MKRS * Organizuam koncert memorial për përvjetorin e 15-të te pavarësisë * Hartuam dhe dorëzuam në Kuvend propozimet për zgjidhjen e çështjes së pronës dhe modeleve të financimit të RTK-së (për pronën tashmë ka nisur diskutimi) * Rikthyem Ligën e Kampionëve, Evropa Ligën dhe Ligën e Konferencave me pakon ekskluzive A për sezonet 2024-2027 * Kontraktuam serialin më të lirë në një dekadë në RTK * Siguruam filma, dokumentar dhe seriale italiane (Poashtu siguruam falas filma të njohur norvegjez) * Nënshkruam me sindikatat Marrëveshjen e re Kolektive që mundëson më shumë të drejta për punëtorët * Pajisëm me kompjuterë të rinj Dhomat e Lajmeve në RTK1/3, RTK2 dhe Radio Kosovë * Dizajnuam dhe jemi në prag të fillimit të montimit të skenografive të reja (janar 2024) * Blemë kamerat robotike dhe jemi në proces për blerjen e kamerave të reja të terrenit * 90% e njësive të montazhës kanë pajisje të reja * Blemë transmetues të rinj për të mundësuar që frekuencat e kanaleve te Radio Kosovës të dëgjohen anekënd Republikës (montimi janar 2024) * Modernizuam transmetimin nga studiot e Radio Kosovës, duke i pajisur me mikrofonë dhe audioprocesor të rinj * Filluam transmetimin e RTK2 në formatin HD pa asnjë kosto * Integruam përmes sistemit të brendshëm Dhomat e Lajmeve TV-Radio * Hapëm zyrën rajonale në Mitrovicë dhe dorëzuam në JICA projektin për hapjen e zyrës në Pejë * Pasuruam edhe më tej skemën programore, ku në muajt e parë të vitit 2024 do të fillojnë edhe tri emisione televizive në RTK1 * Nisëm edicionin e përditshëm informativ për art dhe kulturë @RTKulturë në RTK4 * Dinamizuam skemën programore të kanaleve të Radios, me emisione të drejtpërdrejta dhe atraktive si dhe nisem transmetimin e Podcasteve * Nisëm digjitalizimin e arkivës së RTK-së dhe RTP-së në TV dhe Radio ndërkohë që përfituam nga JICA skanerin për leximin e shiritave filmik (Kjo nënkupton se ky proces do të kryhet me resurse të brendshme) * Rregulluam hyrjen në objektin e RTK1/3/4, duke mundësuar qasje për personat me aftësi të kufizuar * Fuqizuam praninë në mediat online * Ndërmorëm aksione bamirësie * Konkretizuam bashkëpunimin me RTSH dhe RTCG * Rritëm bashkëpunimin me EBU dhe organizata të tjera * Punuam me përkushtim për ristrukturimin e RTK-së, proces për të cilin do të vazhdojmë me intensitet të njëjtë edhe në vitin 2024 * Hartuam Strategjinë Zhvillimore 2024-2027 * Rritëm barazinë gjinore në pozita udhëheqëse * Përmirësuam balancin gjinor në emisionet tona Lista është më e gjatë por po ndalem me kaq Mbi të gjitha, falemnderit secilit prej jush për besimin që keni në transmetuesin publik, të cilin ju premtoj se do ta fuqizojmë edhe më shumë. Nga #RTKePublikut Me shumë dashuri Gëzuar 2024 P. S Bashkangjitur është kënga ‘Mëmëdheu’, projekti ynë për ju këtë fundvit. Ta duam Kosovën, mos ta braktisim atë dhe bashkë ta bëjmë vend më të mirë