Policia me tjetër aksion kontrollimi në veri

Ish-fabrika e gozhdave në afërsi në Bërnjakut është kontrolluar nga organet e rendit.

Indeksonline raporton se patrullat e policisë janë vendosur në afërsi të fabrikës, teksa kontrolli është ndjekur nga afër edhe prej ministrit të Punëve të Brendshme, Xhelal Sveçla.

Aksioni është konfirmuar nga zëvendësdrejtori i Policisë për rajonin e veriut, Veton Elshani.

Ai ka bërë të ditur se fabrika në fjalë është pronë e Agjencisë Kosovare të Privatizimit.

“Sot ministri i Punëve të Brendshme e ka vizitu ish-fabrikën e gozhdave në Bërnjak e cila është pronë e AKP-së. Asgjë e jashtëzakonshme sepse policia me dhjetëra herë ka qenë aty” ka thënë Elshani.