Posedonte kokainë, armë e fishekë, policia arreston një person në Prizren

Një person është arrestuar në Prizren, pasi në veturë iu gjetën 5.46 gramë substancë narkotike e llojit kokainë.

Policia ka bërë të ditur se është kontrolluar edhe shtëpia e të dyshuarit, ku janë gjetur tri armë zjarri të gjata, 16 fishekë, një peshore elektrike dhe një telefon mobil.

Rasti ka ndodhur në rrugën “Edit Durham”, mbrëmë rreth orës 22:20, raporton Indeksonline.

Sipas policisë, i dyshuari është dërguar në mbajtje, me vendim të prokurorit.

Rasti është iniciuar si “Blerje, posedim, shpërndarje dhe shitje e paautorizuar e narkotikëve”./Indeksonline/