20:51 / E Shtunë, 20 Prill 2024 / Gj. Sh
“Faleminderit Amerikë”, Netanyahu falënderon ShBA-në pas miratimit të projektligjit të ndihmës
Kryeministri izraelit, Benjamin Netanyahu ka falënderuar Kongresin Amerikan për miratimin e projektligjit të ndihmës për Izraelin.
“Faleminderit miq, faleminderit Amerikë”, tha ai në llogarinë e tij në X.
Dhoma e Përfaqësuesve të ShBA-së shtyu me shpejtësi një seri votash sot në një seancë të rrallë të së shtunës për të miratuar 95 miliardë dollarë ndihmë të huaj për Ukrainën, Izraelin dhe aleatët e tjerë të ShBA-së.
