Si adoleshentë/ Kate dhe William në momente intime

Edhe pse kamerat janë pjesë e jetës së tyre, momentet private familjare në familjen mbretërore britanike janë të rralla.

Megjithatë, videoja e fundit e princeshës së Uellsit mund të vendosë një gjendje të re për brezin e ardhshëm të mbretërve dhe ta bëjë familjen mbretërore më “njerëzore”, siç thekson korrespondenti mbretëror i Sky News, Rhiannon Mills, transmeton Indeksonline.

Të hënën, Kate njoftoi se kishte përfunduar me sukses kimioterapinë. Lajmi u bë i ditur në një video tre minutëshe të filmuar nga regjisori Will Warr në Norfolk muajin e kaluar.

Ajo tregon princeshën me princin William dhe fëmijët e tyre princin George, princeshën Charlotte dhe princin Louis, duke luajtur me letra, duke u ngjitur në trungje pemësh, duke vrapuar nëpër një fushë dhe përgjatë plazhit.

Me klipin, Kate dëshiron të tregojë se si merr forcë nga familja e saj dhe të qenit në natyrë.

Asnjëherë më parë Princi William dhe Princesha Kate nuk kanë qenë kaq të hapur dhe të përkëdhelur në publik. Ata përqafohen dhe puthen me njëri-tjetrin në faqe teksa i mbajnë duart kapur. “Ndoshta përshkrimi më intim i martesës së tyre që dikush ka parë ndonjëherë”, kështu e përshkruan Daily Mail.

Eksperti mbretëror Arthur Edwards nga “The Sun” entuziazmon: “Në 40 vitet që kam mbuluar familjen mbretërore, nuk kam parë kurrë diçka si videoja e Katerinës”. Pamjet emocionuese i japin publikut një paraqitje të shkurtër se kush janë ata pas dyerve të mbyllura./Indeksonline/