Policia jep detaje lidhur me aksionin e djeshëm në barnatore, ja çfarë u sekuestrua

Krimet Ekonomike dhe Korrupsionit kanë kryer dje një bastisje në 36 lokacione të ndryshme, për veprat penale, keqpërdorim i pozitës zyrtare, falsifikim i dokumenteve, ushtrim i kundërligjshëm i veprimtarisë mjekësore dhe farmaceutike.

PK-ja në raportin 24-orësh ka thënë se 4 persona janë intervistuar lidhur më këtë bastisje.

Gjatë këtij aksioni janë sekuestruar, tri pistoleta, 6 armë të gjata, 598 fishekë, një telefon, 2 kompjuterë dhe dokumente të ndryshme.

“Drejtoria për Hetimin e Krimeve Ekonomike dhe Korrupsionit, kanë kontrolluar 36 lokacione të ndryshme me dyshime për veprat penale të lartë-cekura.  Si prova materiale janë gjetur dhe sekuestruar:  tri pistoleta, 6 copë armë të gjata, 598 copë fishekë të kalibrave të ndryshëm, një telefon, 2 shtëpiza kompjuteri,  7 DVR  dhe dokumente të ndryshme. Lidhur me rastin  janë intervistuar katër të dyshuar  meshkuj kosovarë të cilët me vendim të prokurorit  janë liruar, rasti në procedurë hetimore”, thuhet në njoftimin e PK-së, përcjell IndeksOnline.