Tahiri i PDK-së: Edhe këtë e bëri RTK-ja…!

Deputeti i PDK-së, Abelard Tahiri, ka thënë se Radiotelevizioni i Kosovës, pikërisht në ditën kur opozita priste adresimin e aferave korruptive të Qeverisë, kanë vendosur që të transmetojë seancën e jashtëzakonshme të Kuvendit në kanalet alternative.

Tahiri tha se asnjëherë me parë nuk ka ndodhur një gjë e tillë, përcjell IndeksOnline.

Ai tha se këtu dëshmohet kapja e RTK-së nga “kapelat e Dejonës”.

Postimi i plotë:

Asnjëherë më parë nuk ka ndodhur që RTK-ja të transmetojë një seancë të kuvendit në kanalet alternative. Kjo ndodhi pikërisht sot, kur prisnim të adresonim aferat korruptive të këtij pushteti, duke dëshmuar kapjen e këtij mediumi nacional nga “kapelat e Dejones”. Përballë këtij akti, ne, shefat e grupeve parlamentare të opozitës, do t’u drejtohemi qytetarëve në një konferencë për media në orën 14:30, përballë zyrave të RTK-së.