Prezantohet Ferrari më i fuqishëm në histori

Ferrari sapo ka shkruar një faqe të re të rëndësishme në historinë e saj të pasur. Kompania nga Maranello prezantoi modelin e ri F80, të cilit menjëherë iu dha titulli i Ferrarit më të fuqishëm në histori.

Anëtari i ri i familjes Ferrari fuqizohet nga një motor me djegie të brendshme me shtimin e gjeneratës së fundit të teknologjisë hibride.

Motori V6 me tre litra jep 900 kf, por me ndihmën e tre motorëve elektrikë, fuqia maksimale është 1200 kf!

Përshpejtimi nga zero në 100 zgjat 2.1 sekonda , dhe shpejtësia maksimale është 350 km/h.

Motori hibrid ofron tre mënyra të ndryshme drejtimi: ‘Hybrid’, ‘Performance’ dhe ‘Qualify’. Nuk ka modalitet eDrive (i disponueshëm në SF90 Stradale dhe 296 GTB) pasi F80 nuk mund të drejtohet në modalitetin tërësisht elektrik, shkruan Indeksonline.

F80 e çon performancën aerodinamike në nivele që nuk janë parë më parë në një makinë rrugore Ferrari, siç dëshmohet nga 1000 kg forca e rënies e prodhuar me 250 km/h.

Do të ketë dy zgjedhje gomash në dispozicion të klientëve, me variantet Pilot Sport Cup2 dhe Pilot Sport Cup2R .

Të dyja ofrohen në përmasat 285/30 R20 dhe 345/30 R21 (para/prapa), dhe janë zhvilluar së bashku me Michelin për F80.

Prodhimi fillon në fund të vitit 2025 dhe do të zgjasë deri në vitin 2027, dhe çmimi i secilit prej vetëm 799 kopjeve është 3.6 milionë euro ./Indeksonline/