Vriten tre ushtarë libanezë në një sulm izraelit

Tre ushtarë libanezë kanë vdekur në një sulm ajror izraelit, thotë ushtria libaneze. Ajo pretendon se ushtarët u goditën gjatë evakuimit të njerëzve të plagosur në periferi të fshatit Yater në Libanin Jugor.

Forcat e Mbrojtjes të Izraelit ende nuk i kanë adresuar raportet. Ngjarja vjen vetëm pak ditë pasi IDF-ja kërkoi falje për një sulm të veçantë që vrau tre ushtarë libanezë të dielën.

Ushtria izraelite tha se goditi një automjet që kishte hyrë në një zonë ku kishte shënjestruar më parë një kamion të Hezbollahut që transportonte raketa.

Ai tha se trupat nuk ishin në dijeni se kamioni i dytë i përkiste ushtrisë libaneze, duke thënë se “nuk po vepron kundër ushtrisë libaneze dhe kërkon falje për këto rrethana të padëshiruara”.