Avokatët kërkojnë shtyrjen e seancës për sulmin ndaj kryetarit Muhaxheri

Korab dhe Dukagjin Lulaj kanë dal sot para trupit gjykues në Gjykatën Themelore të Pejës, pasi të njëjtit sulmuan dje fizikisht kryetarin e Komunës së Pejës, Gazmend Muhaxheri.

Të dyshuarit u arrestuan qysh dje, dhe me vendim të Prokurorit të Shtetit u mor masa e ndalimit për 48 orë, raporton IndeksOnline.

Por, ata u ftuan sot në Gjykatë, teksa vijueshmërinë e seancës po e kundërshtojnë avokatët e të dyshuarve. Avokatët e Korab Lulajt dhe Dukagjin Lulajt kanë kërkuar shterjen e seancës, pasi deklarojnë se nuk kanë marrë nga institucionet e drejtësisë shkresat e rastit.

Kujtojmë se Muhaxheri pësoi lëndime trupore në kokë dhe trup pasi u sulmua dje fizikisht, teksa po dilte nga një lokal i qytetit./IndeksOnline/