Mashtrimet me subvencione, policia arreston dy zyrtarë në Prishtinë

Policia ka arrestuar dy persona në Prishtinë, pasi dyshohet se të njëjtit kanë keqpërdorur pozitën zyrtare, duke bërë mashtrime me subvencione.

Sipas raportit 24 orësh të policisë, arrestimi i tyre ka ndodhur të enjten.

“Drejtoria për hetimin e krimeve ekonomike, pas sigurimit të informatave lidhur me mashtrimin e ndarjes së subvencioneve, për një klub basketbolli nga i dyshuari mashkull kosovar, në cilësinë e kryetarit të komisionit për ndarjen e grandeve në Obiliq dhe e dyshuara femër kosovare monitoruese e implementimit të subvencioneve. Të njëjtit janë arrestuar dhe pas intervistimit me vendim të prokurorit e dyshuara është liruar në procedurë të rregullt, ndërsa i dyshuari është dërguar në mbajtje”, thuhet në raportin policor.