Drita ia fik ”dritat” Feronikelit ’74, e mbyll sezonin vjeshtor si lider

Ka marr fund ecuria prej katër ndeshje pa humbje për Feronikelin ’74.

Lideri i Superligës, Drita e ka mposhtur me përmbysje, ku rezultati përfundimtar ishte 2-1, shkruan IndeksOnline.

Skuadra nga Drenasi shkoni në pushim me epërsi prej një goli, ku golashenues ishte Leart Zekolli, në minutën e 11-të.

Rron Broja barazoi shifrat në minutën e 55-të, derisa tre pikë ”Intelektualëve” ia siguroi goli i Arb Manaj në 90+2.

Vlen të përmendet se Drita ka humbur edhe një penallti, ku Besnik Krasniqi gjuan jashtë portës.

Drita e mbylli kështu sezonin vjeshtor si lider i tabelës me 40 pikë, shtatë më shumë se Ballkani.

Ndërkohë Feronikeli ’74 mbetet skuadra e fundit në tabelë, me 10 pikë./IndeksOnline/