Kampioni i dyfishtë i US Open, Max Purcell u suspendua për shkelje antidoping

Fituesi i dyfishtë i Grand Slam-it, Max Purcell, ka hyrë në një pezullim të përkohshëm vullnetar sipas rregullave të tenisit antidoping.

Agjencia Ndërkombëtare e Integritetit të Tenisit njoftoi sanksionin në një deklaratë të hënën pasi 26-vjeçari australian pranoi se kishte shkelur nenin 2.2 të Programit Anti-Doping të Tenisit “në lidhje me përdorimin e një metode të ndaluar”.

ITIA tha se pezullimi hyri në fuqi, më 12 dhjetor dhe koha e shërbyer nën pezullimin e përkohshëm do të kreditohet kundrejt çdo sanksioni të ardhshëm. Kohëzgjatja e pezullimit vullnetar nuk u specifikua nga ITIA.

“Gjatë pezullimit të përkohshëm, Purcell-it i ndalohet të luajë, të stërvitet ose të marrë pjesë në ndonjë ngjarje tenisi të autorizuar ose të sanksionuar nga anëtarët e ITIA (ATP, ITF, ËTA, Tenis Australia, Fédération Française de Tennis, Wimbledon dhe USTA) ose çdo shoqatë kombëtare”, thuhet në deklaratën e ITIA.

Purcell, me bashkatdhetarin Jordan Thompson, fitoi US Open në shtator dhe fitoi garën e Wimbledon me një tjetër australian, Matthew Ebden, në vitin 2022. Ai aktualisht renditet në vendin e 12-të në dyshe./IndeksOnline/