Gjigantët e veturave shkrihen në një kompani të vetme

Prodhuesit japonezë të automjeteve Honda dhe Nissan kanë njoftuar planet për të bashkuar forcat, duke formuar prodhuesin e tretë më të madh të automjeteve në botë nga shitjet, ndërsa industria pëson ndryshime dramatike në tranzicionin e saj nga karburantet fosile.

Konsolidimi do të krijonte grupin e tretë më të madh të automjeteve në botë sipas shitjeve, pas Toyota dhe Volkswagen.

Të dy kompanitë thanë se kishin nënshkruar një memorandum mirëkuptimi të hënën dhe se anëtari më i vogël i aleancës Nissan Mitsubishi Motors gjithashtu kishte rënë dakord të bashkohej me bisedimet për integrimin e bizneseve të tyre.

Presidenti i Honda-s, Toshihiro Mibe, tha se Honda dhe Nissan do të ndjekin unifikimin e operacioneve të tyre nën një kompani të përbashkët. Honda fillimisht do të drejtojë menaxhmentin e ri, duke ruajtur parimet dhe markat e secilës kompani.

Bëhet e ditur se të dy kompanitë po shqyrtojnë bashkëpunimin në elektrifikimin dhe zhvillimin e softuerit.

Ata ranë dakord të kryenin edhe kërkime të përbashkëta dhe e zgjeruan bashkëpunimin me Mitsubishi Motors./Indeksonline/

Watch live: Honda, Nissan and Mitsubishi Motors host press conference on merger talks https://t.co/JE3w2gfWvK

— The Independent (@Independent) December 23, 2024