Arsyeja e vërtetë që Kate Middleton nuk ka mbajtur unazën e saj të fejesës

Princesha e Uellsit, Kate Middleton, u pa që një pjesë e bizhuterive i kanë humbur teksa vizitoi HMP Styal në Cheshire të martën, ku u takua me nënat që kishin lindur në burg.

Ajo vizitoi organizatën bamirëse Action for Children, e cila mbështet nënat e ardhshme dhe të reja, por veçanërisht, ajo nuk kishte mbajtur unazën e saj të fejesës, transmeton Indeksonline.

Gjatë vizitës, princesha foli me stafin e Action for Children, i cili ofron mbështetje të specializuar për gratë që po rrisin foshnjat e tyre në kushte jashtëzakonisht të vështira.

Nuk është hera e parë që Kate është parë pa unazën e saj të fejesës gjatë daljeve mbretërore muajt e fundit, pasi fansat spekulojnë arsyen e vërtetë të mungesës së saj.

Duke folur për HELLO! në vitin 2020, Kensington Palace shpjegoi se Kate kishte hequr aksesorët e saj, sepse po vizitonte repartet e fëmijëve dhe, si e tillë, ishte e rëndësishme që rreziqet e mundshme të higjienës të hiqen./Indeksonline/