Debati i parë televiziv për kancelar në Gjermani, Merz e fiton bindshëm

Një debat televiziv midis katër kandidatëve për kancelar gjerman u zhvillua të dielën në mbrëmje.

Olaf Scholz (SPD), Friedrich Merz (CDU), Alice Weidel (AfD) dhe Robert Habeck (të Gjelbërit) u përballën në debat.

Sipas një sondazhi të kryer menjëherë pas shfaqjes, shikuesit shpallën fitues në mënyrë mjaft bindëse Friedrich Merz-in (CDU).

Këto janë rezultatet e sondazhit:

Friedrich Merz (CDU) – 32%
Olaf Scholz (SPD) – 25%
Robert Habeck (Të Gjelbrit) – 18%
Alice Weidel (AfD) – 18%

Përballja solli një shkëmbim të mprehtë pikëpamjesh mes kandidatëve, veçanërisht për çështjet e migracionit, politikës ekonomike dhe marrëdhënieve me administratën e re amerikane.

Merz e pozicionoi veten si kandidati me argumentet më të forta ekonomike dhe burrë shteti, ndërsa Scholz ishte i fortë në numër dhe sulmonte kundërshtarët politikë.

Habeck u përpoq të paraqiste politika progresive dhe tema mjedisore, ndërsa Weidel u përpoq të nënvizonte retorikën e linjës së ashpër të AfD-së kundër imigracionit./Indeksonline/