Ku është zhdukur Taylor Swift?

Për një vit e gjysmë të kaluar, Taylor Swift ka qenë një figurë qendrore në kulturën pop dhe media globale.

Nga turneu i saj i rekordeve Eras, tek ribotimet e albumeve dhe angazhimi në skenën socio-politike, tek lidhja e saj e dashurisë me yllin e NFL Travis Kelce, Swift ka qenë kudo, transmeton Indeksonline.

Por pas përfundimit të turneut Eras, Super Bowl LVIII dhe inaugurimit presidencial të Donald Trump, Swift u zhduk papritur nga qendra e vëmendjes së mediave. Pra, ku është?

Taylor Swift përfundoi turneun e saj monumental Eras, i cili theu të gjitha rekordet e mëparshme për fitime dhe pjesëmarrje, më 8 dhjetor 2024, në Vankuver. Turneu zgjati gati dy vjet dhe koncertet e shumta në mbarë botën e kthyen atë në një fenomen të vërtetë kulturor.

Në performancat e saj të fundit, Swift i tha një lamtumire emocionale audiencës, duke theksuar se si ky turne “ndryshoi jetën e saj përgjithmonë”.

Pas kësaj, Swift njoftoi se do të bënte një pushim të merituar nga daljet publike. Në postimin e saj të fundit në Instagram më 12 dhjetor 2024, një ditë para ditëlindjes, ajo falënderoi fansat dhe ekipin që e shoqëroi në turne, por nuk përmendi ndonjë plan konkret për të ardhmen. Ky njoftim ishte komunikimi i saj i fundit i drejtpërdrejtë me publikun e gjerë.

Taylor Swift u pa për herë të fundit më 11 shkurt 2025, në Super Bowl LVIII, të mbajtur në Las Vegas, ku ajo ishte duke brohoritur për të dashurin Travis Kelce, një lojtar i Kansas City Chiefs. Edhe pse pritej triumfi i saj në tribuna, situata ndryshoi shpejt./Indeksonline/

Taylor Swift confused by the boos ☹️ pic.twitter.com/zzstUEmDfp

— RBT (@SamuelBrownRBT) February 9, 2025