Vetaksidenti në aksin rrugor Prishtinë-Gjilan, një person i lënduar

Një vetaksident trafiku ka ndodhur sot në aksin rrugor Prishtinë – Gjilan, ku një person ka mbetur i lënduar pasi iu rrokullis vetura.

Lajmin e ka konfirmuar zëdhënësi i policisë për rajonin e Gjilanit, Valon Osmani.

Bëhet e ditur se përveç dëmeve materiale, lëndime të lehta trupore ka pësuar një person

Ndërkaq, Osmani njoftoi se personi i lënduar, është duke marrë trajtim mjekësor në Qendrën Emergjente në Spitalin Rajonal të Gjilanit.

“Rreth orës 09:45 është raportuar për një vetë aksident trafiku në aksin rrugor Prishtinë – Gjilan. Si pasojë një automjet ka përfunduar i rrokullisur. Përveç dëmeve materiale, lëndime të lehta trupore ka pësuar një person. Personi i lënduar, është duke marrë trajtim mjekësor në Qendrën Emergjente në Spitalin Rajonal të Gjilanit. Hetues policorë të aksidenteve nga Njësia e Trafikut Rajonal, ju kanë përgjigj rastit duke filluar hetimet në sqarimin e të gjitha rrethanave të këtij rasti”, tha Osmani.

IndeksOnline ka siguruar pamje nga aksidenti.