Yjet takohen në plazhin e Costa Ricës: Gisele Bundchen, Ivanka Trump dhe Karlie Kloss kalojnë pushimet bashkë
Një takim yjesh në bregdetin e Costa Ricës tërhoqi vëmendjen këtë fundjavë, ku supermodelet e njohura Gisele Bundchen, Karlie Kloss dhe Ivanka Trump u shfaqën në plazh, të rrethuara nga familjarët dhe në një atmosferë relaksi total, shkruan TMZ, transmeton IndeksOnline.
Trioja e famshme u pa duke shijuar rrezet e diellit në veshje plazhi të zgjedhura me kujdes për stil dhe rehati.
Ivanka kishte zgjedhur një bikini blu të ndezur, të kombinuar me një fund me motive tropikale, ndërsa Gisele u shfaq me një veshje të ngjashme në të zezë elegante, të cilën e kompletoi me një kapele me strehë të gjerë për t’u mbrojtur nga dielli.
Atmosfera ishte miqësore dhe e qetë, me biseda të këndshme mes mikeshave, ndërsa në një moment Ivanka shpërtheu në të qeshura, duke reflektuar një fundjavë të këndshme larg zhurmës së përditshme.
Siç është raportuar më parë, Ivanka Trump dhe Karlie Kloss po shijojnë pushime të zgjatura në Costa Rica bashkë me bashkëshortët e tyre, Jared dhe Joshua Kushner. Ivanka ka qenë një vizitore e rregullt e plazhit gjatë këtyre ditëve, madje është parë shpesh edhe duke bërë surfing.
Ndërkohë, Gisele Bundchen, e cila është një adhuruese e kahershme e këtij destinacioni tropikal, po ndan kohën mes Costa Ricës dhe Miamit, ku jeton me partnerin e saj Joaquim Valente. Çifti së fundmi kanë mirëpritur fëmijën e tyre të parë së bashku.
Në fund të ditës, duket se yjet jo vetëm që shijuan rrezet e diellit dhe pushimin, por treguan se edhe në botën e famës, miqësitë dhe momentet e thjeshta mbeten më të rëndësishmet.
