Kallas do të takohet me Kurtin sonte në një darkë pune

Përfaqësuesja e lartë e BE-së, Kaja Kallas, do të takohet me kryeministrin në detyrë, Albin Kurti, sonte në një darkë pune, njoftoi zyra e kryeministrit.

“Kryeministri në detyrë Kurti sonte në mbrëmje e pret për një darkë pune përfaqësuesen e lartë të Bashkimit Evropian për Punë të Jashtme dhe Politikë të Sigurisë, Kaja Kallas me rastin e vizitës së saj në vendin tonë.

Ky takim do të jetë një mundësi e mirë për të diskutuar për marrëdhëniet ndërmjet Republikës sonë dhe Bashkimit Evropian si edhe temat me interes të përbashkët”, njoftoi zëdhënësi i qeverisë në detyrë.