Rosie Huntington-Whiteley shkëlqen me një fustan prej lëkure në fotosesionin për ‘Gisou’

Rosie Huntington-Whiteley tërhoqi vëmendjen me paraqitjen e saj elegante në një fotosesion të ri për markën e njohur të bukurisë ‘Gisou’, të enjten.

Supermodelja britanike, 38 vjeçe, u shfaq mahnitëse me një fustan prej lëkure në ngjyrë vishnje, duke theksuar siluetën e saj të gjatë dhe linjat e tonifikuara.

Fustani me dekolte të thellë dhe një të çarë të guximshme deri në kofshë i dha Rosie-t një pamje të sofistikuar dhe sensuale, shkruan DailyMail.

Ajo i shtoi elegancë veshjes me një palë taka të zeza me majë të hapur, ndërsa pozoi për një selfie para pasqyrës.

Për pamjen e saj, Rosie kishte zgjedhur vathë të mëdhenj argjendi në formë unaze, ndërsa flokët e saj biondë i kishte stiluar në kaçurrela voluminoze.

Në një tjetër fotografi, ajo tregoi nga afër këpucët e saj të larta me detaje të kuqe, që përputheshin në mënyrë të përkryer me pedikyrin e saj elegant në stilin francez.

Kjo paraqitje vjen pak ditë pasi ajo ndau në rrjetet sociale një tjetër seri fotografish për fushatën e re të Alo Yoga, ku modeloi një veshje sportive të bardhë që nxirrte në pah barkun e saj të tonifikuar dhe elegancën natyrale.

Gjatë Festivalit të Filmit në Kanë muajin e kaluar, Rosie vazhdoi të impresionojë me stilin e saj. Ajo ndau imazhe nga qëndrimi i saj në rivierën franceze, përfshirë poza me bikini të bardha buzë detit dhe një fustan të kuq të ngushtë me çarje të thellë, të kombinuar me aksesorë nga Balenciaga.

Rosie mbetet një ikonë e modës dhe bukurisë, duke i mahnitur fansat me çdo paraqitje të saj, si në tapetin e kuq ashtu edhe në fushata reklamuese.