Shokohet Katy Perry, një person e “sulmon” në mes të koncertit

Ylli i muzikës, Katy Perry, u shokua kur një fans doli në skenë dhe e kapi në mes të koncertit.

Ylli 40-vjeçar po këndonte hitin e saj të vitit 2008 “Hot N Cold” gjatë një koncerti në Sydney, kur një burrë u ngjit në skenë dhe ia vendosi krahun rreth saj, transmeton Indeksonline.

Siç shihet në një video të ndarë nga fansat në X, Katy u largua shpejt.

Katy tha me shaka: “Epo, nuk do të ketë kurrë një shfaqje tjetër si kjo. Pra, shijoje, Sydney”.

Ajo vazhdoi të performonte, ndërsa sigurimi arriti ta tërhiqte burrin nga skena, ku dy anëtarë të tjerë të sigurisë i ndihmuan ta largonin me forcë./Indeksonline/