Irani u bën thirrje banorëve të Tel Avivit dhe Haifës që të evakuohen

Shefi i Shtabit  të Forcave të Armatosura të Iranit u ka bërë thirrje banorëve të qyteteve Haifa dhe Tel Aviv në Izrael të evakuohen, duke paralajmëruar se një “operacion ndëshkues” do të ndodhë së shpejti, raporton CNN.

Gjeneral Major Abdolrahim Mousavi ka thënë se “operacionet e kryera deri më tani kanë qenë një paralajmërim për frenim” dhe se një “operacion ndëshkues” nga Irani “do të kryhet së shpejti”.

“Dëshmorët tanë – komandantë, bashkëkombës dhe shkencëtarë – do t’i bëjnë forcat e armatosura edhe më të vendosura për të zbatuar urdhrin ndëshkues”, duke aluduar për gjeneralët dhe shkencëtarët që ia vrau Izrael gjatë javës së kaluar në Iran.