Naim Murseli në QKUK, flet avokatja e tij

Në seancën e fundit gjyqësore ndaj Naim Murselit të mbajtur më 4 qershor, avokatja Teuta Zhinipotoku kërkoi që klientit të saj t’i bëhet ekzaminim i statusit mendor.

Ndërsa sot gjatë ditës në orët e herëshme të mëngjesit, Naim Murseli, i akuzuari për vrasjen e gruas së tij Liridona Ademaj është dërguar në Klinikën e Neurologjisë në QKUK e më pas në Klinikën e Psikiatrisë.

Lidhur më këtë për Indeksonline ka folur vetë avokatja e tij.

Ajo është shprehur se nuk ka qenë e informuar që klienti i saj është dërguar sot në Qendrën Klinike Universitare të Kosovës.

‘’Në seancë është vendosur që ti bëhet ekzaminim i statusit mendor, unë nuk kam njohuri nëse i njeti është dërguar në QKUK, ju e dini besoj arsyjen se përse është dërguar’’, ka thënë ajo për Indeksonline.

Më tutje Zhinipotoku thotë se tash pas vizitës si avokate mbrojtëse e Murselit është në pritje të raportit nga ana e QKUK-së.

Theksojmë se në të njëjtën seancë, të mbajtur më 04.06.2025, Murseli nuk e ka pranuar fajësinë për vrasjen e Liridona Ademajt.

“Unë deklarohem i pafajshëm. Nëse vërtetohen pretendimet e prokurorisë, unë vet do të kërkoj burgim të përjetshëm”- tha ai.

I akuzuari tjetër, Granit Plava, nuk është deklaruar duke vendosur që të mbrohet në heshtje ndërsa i akuzuari Kushtrim Kokalla nuk e ka pranuar fajësinë./Indeksonline/