Çka i ndodh trupit nëse nuk ke fare marrëdhënie seksuale për 30 ditë
Mund të mendosh se një muaj pa seks nuk bën ndonjë ndryshim të madh, por e vërteta është se trupi dhe mendja reagojnë më ndryshe nga ç’e imagjinon.
Fillimisht, ajo që ndodh është një rënie graduale e hormoneve të lumturisë: dopaminë, serotoninë dhe oksitocinë. Këto janë kimikatet që trupi lëshon gjatë kontaktit fizik dhe seksual, të cilat ndikojnë drejtpërdrejt në ndjenjën e afërsisë, mirëqenien emocionale dhe vetëbesimin. Pa to, shumë njerëz përjetojnë një ulje të humorit, ndjesi vetmie, madje edhe tension të brendshëm që shpesh nuk e kuptojnë nga vjen.
Por ndikimi nuk ndalet vetëm te emocionet. Sistemi imunitar dobësohet ngadalë, sepse aktiviteti seksual i rregullt stimulon prodhimin e antitrupave që luftojnë viruset dhe bakteret. Studime të shumta kanë treguar se personat që bëjnë seks të paktën një herë në javë kanë më pak shanse të preken nga gripi apo ftohjet sezonale.
Për meshkujt, mungesa e ejakulimit për një kohë të gjatë mund të krijojë tension të brendshëm dhe në disa raste ndikim në nivelin e testosteronit, duke sjellë ulje të energjisë apo të dëshirës seksuale. Ndërsa për femrat, mungesa e intimitetit mund të ndikojë në ndjeshmërinë emocionale dhe ciklin hormonal.
Edhe truri reagon. Pa stimul seksual dhe afeksion, disa zona që lidhen me kujtesën, kreativitetin dhe përqendrimin fillojnë të jenë më pak aktive. Jo rastësisht, shumë persona që ndalojnë kontaktet intime për një kohë të gjatë, raportojnë një lloj “trullosjeje” mendore ose përgjumje psikologjike.
Megjithatë, abstinenca e përkohshme nuk është domosdoshmërisht negative. Për shumë njerëz, 30 ditë pa seks mund të shërbejnë si një reset emocional – një mundësi për të njohur veten, për të riparë lidhjen me partnerin apo për të rifituar kontrollin ndaj impulseve. Për beqarët, kjo mund të jetë një fazë reflektimi dhe rritjeje personale.
Por një gjë është e sigurt: trupi nuk e harron seksin. Ai reagon, mungesa ndjehet – në ndjesi, në trup, në ndjenja. Dhe për disa, kjo mungesë bëhet thirrje për intimitet më të thellë, jo vetëm fizik, por edhe emocional.
