Policia identifikon të dyshuarin për përdorim të armës në Rahovec

Më datë 14.07.2025, në Stacionin Policor në Rahovec, viktima mashkull, i moshës madhore ka raportuar për të shtëna me armë zjarri në fshatin Hoqë e Vogël-Rahovec. Sipas viktimës, ai është ndier i frikësuar dhe i kanosur nga kjo ngjarje.

Menjëherë pas pranimit të informatës, të gjitha njësitë relevante policore janë përgjigjur thirrjes dhe kanë arritur të identifikojnë dhe arrestojnë të dyshuarin mashkull i moshës madhore.

Në koordinim me Prokurorin e Shtetit, është kryer kontroll në vendbanimin e të dyshuarit.           

Gjatë kontrollit janë gjetur dhe sekuestruar:

 Një armë zjarri e llojit AK-47,

Një karikator,

 Dhjetë (10) fishekë,

Një gëzhojë.

Lidhur me rastin është iniciuar procedurë për veprat penale:

 Kanosje,

 Mbajtje në pronësi, kontroll ose posedim të paautorizuar të armëve,

 Përdorim i armës apo mjetit të rrezikshëm.

I dyshuari është intervistuar në prani të avokatit mbrojtës dhe, në konsultim me Prokurorin e

Shtetit, është ndaluar në mbajtje për 48 orë.