Emri më i përfolur në futbollin evropian, sqarohet më në fund Alexandre Isak

Sulmuesi suedez, Alexander Isak, ka hedhur një deklaratë të fortë në rrjetet sociale, duke lënë të kuptohet se e ardhmja e tij tek Newcastle United është drejt fundit.

Isak fillimisht shprehu krenarinë për përfshirjen e tij në PFA Premier League Team of the Season 2024/25, duke falënderuar shokët e skuadrës dhe klubin për mbështetjen.

Por më pas, sulmuesi 24-vjeçar zbuloi hapur pakënaqësitë e tij me drejtuesit e Newcastle, shkruan IndeksOnline.

“Nuk isha i pranishëm në ceremoni, nuk ndjehej e duhura. Kam heshtur për një kohë të gjatë ndërsa të tjerët kanë folur dhe kanë shtyrë versionet e tyre. Premtimet janë thyer dhe kur besimi humbet, marrëdhënia nuk mund të vazhdojë”, shkroi Isak.

Deklarata e tij shihet si një sinjal i qartë për një largim të afërt nga “St. James’ Park”, me sulmuesin që theksoi se ndryshimi është në të mirën e të gjithëve, jo vetëm të tij.

Pas këtij mesazhi, mbetet për t’u parë se cili do të jetë destinacioni i ardhshëm i yllit suedez, i cili ka qenë një nga lojtarët më të rëndësishëm të Newcastle në dy sezonet e fundit.

“Nuk jam në ceremoni sonte. Me gjithçka që po ndodh, nuk më dukej e drejtë të isha atje. Kam heshtur për një kohë të gjatë ndërsa të tjerët kanë folur.”

“Kjo heshtje i ka lejuar njerëzit të shtyjnë versionin e tyre të ngjarjeve, edhe pse e dinë se nuk pasqyron atë që u tha dhe u ra dakord me të vërtetë pas dyerve të mbyllura.”

“Realiteti është se u bënë premtime dhe klubi e ka ditur qëndrimin tim për një kohë të gjatë. Të veprosh tani sikur këto çështje sapo po shfaqen është mashtruese.”

“Kur premtimet thyhen dhe besimi humbet, marrëdhënia nuk mund të vazhdojë. Këtu janë gjërat për mua tani – dhe pse ndryshimi është në interesin më të mirë të të gjithëve, jo vetëm të vetes” ka shkruar ai.