KQZ-ja mblidhet sot, në rend të ditës edhe certifikimi i Listës Serbe
Komisioni Qendror i Zgjedhjeve (KQZ) njofton se sot në orën 17:00, do të mbajë mbledhjen e radhës, në kuadër të përgatitjeve për Zgjedhjet Lokale 2025.
Mbledhja pritet të zhvillohet me pjesëmarrjen e anëtarëve të Komisionit, përfaqësuesve të Zyrës për Regjistrim dhe Certifikim të Subjekteve Politike, si dhe përfaqësuesve të institucioneve relevante.
Rendi i ditës përfshinte:
1. Hyrje dhe njoftime:
Kryesuesi Radoniqi prezantoi pikat e rendit të ditës;
U bë njoftimi për zbatimin e vendimit të Panelit Zgjedhor për Ankesa dhe Parashtresa (PZAP), me nr. 2/2025 të datës 18.08.2025, që ka të bëjë me miratimin e rekomandimit për certifikimin e subjektit politik “Lidhja e Prishtinës” dhe kandidatëve të saj për Zgjedhjet Lokale 2025.
2. Aktivitetet e Zyrës për Certifikim:
Në vazhdim të mbledhjes, u paraqitën 36 rekomandime për certifikim dhe 1 rekomandim për decertifikim, të cilat përfshijnë:
Certifikimi i subjekteve politike dhe kandidatëve të tyre, përfshirë partitë kryesore:
Lëvizja VETËVENDOSJE!
Partia Demokratike e Kosovës – PDK
Lidhja Demokratike e Kosovës – LDK
Aleanca për Ardhmërinë e Kosovës – AAK
NISMA Socialdemokrate
AKR, PSD, GUXO, Alternativa, etj.
Certifikimi i partive të komuniteteve jo-shumicë:
Srpska Lista, KDTP, PREBK, IRDK, Koalicioni VAKAT, BOŠNJAČKA STRANKA KOSOVA, dhe të tjera.
Certifikimi i subjekteve të reja dhe iniciativave qytetare:
Lëvizja për Bashkimin e Shqiptarëve
Iniciativa Balli
Lëvizja Qytetare VATRA
Balli Kombëtar Demokrat Shqiptar
Bashkimi për Ndryshim Anamorava
KOSOVSKI SAVEZ
KOSOVA ADALET TÜRK PARTİSİ
dhe shumë të tjera.
Rekomandimi për decertifikim:
Një kandidat nga Iniciativa Qytetare “E Vërteta” është propozuar për decertifikim për shkak të mosplotësimit të kritereve ligjore.
KQZ ritheksoi angazhimin e saj për një proces zgjedhor të ligjshëm, transparent dhe gjithëpërfshirës, duke garantuar pjesëmarrjen e barabartë të të gjitha subjekteve politike dhe komuniteteve në Zgjedhjet Lokale 2025.
