Karta e me Michael Jordan dhe Kobe Bryant shitet për 12.9 milionë dollarë

Një kartë basketbolli me Michael Jordan dhe Kobe Bryant u shit për 12.932 milionë dollarë të shtunën, duke e bërë atë kartën sportive më të shtrenjtë ndonjëherë, sipas shtëpisë së ankandeve që e menaxhoi shitjen e saj.

Koleksioni Dual Logoman i Upper Deck Exquisite Collection 2007-08, i cili u shit në Dallas, Teksas përmes Heritage Auctions, përmban imazhe të dy yjeve, si dhe nënshkrimet e tyre dhe copëza të logos së NBA-së nga fanellat e tyre. Identiteti i blerësit nuk u zbulua, shkruan CNN.

“Kërkesa për këtë kartë është astronomike, gjë që ka kuptim, sepse ka gjithçka, duke përfshirë foto, copëza të fanellave dhe nënshkrime nga dy prej lojtarëve më të mëdhenj që kanë shkelur ndonjëherë në fushë”, tha Chris Ivy, Drejtori i Ankandeve Sportive të Heritage, në një deklaratë në korrik.