Turqi, gjendet pas 19 ditësh trupi i biznesmenit turk të mbytur në detin Marmara

Pas 19 ditësh kërkimesh intensive, autoritetet kompetente turke kanë gjetur në një thellësi prej 68 metrash trupin e biznesmenit Halit Yukay, varka e të cilit ishte gjetur gjysmë e fundosur dhe e dëmtuar pranë brigjeve të Artaki-së, në detin Marmara.

Thrilleri që filloi, më 4 gusht, kur biznesmeni Halit Yukay lundroi i vetëm nga Gialova në Mykonos, me varkën e tij, ”Graywolf “, pati një fund tragjik. Po atë ditë, në orën 15:10, të afërmit e tij njoftuan autoritetet, pasi nuk kishin lajme për të. Më 5 gusht, rreth orës 14:30, një anije tregtare që lundronte pranë Turanköy raportoi se pjesë të varkës ishin gjysmë të fundosura në sipërfaqen e detit.

Që nga ai moment, filloi një operacion në shkallë të gjerë, ku morën pjesë forca nga roja bregdetare e Propontisë Jugore, Drejtoria e përgjithshme e sigurisë bregdetare dhe njësi speciale të policisë detare nga Samsuni, Dardanelet, Izmiri dhe Gjalova. Kërkimet vazhduan pa ndërprerje për më shumë se dy javë.

Yalova’da’da Bozcaada’ya gitmek üzere denize açıldığı tekknesi, parçalanmış ve yarı batık halde bulunan kayıp iş insanı #HalitYukay’ı arama çalışmalarının 19’uncu gününde cansız bedeni kazanın olduğu bölge olarak değerlendirilen bölgeden 68 metre derinlikte bulundu. pic.twitter.com/Q36l0VR84i

— NOW HABER (@nowhaber) August 23, 2025

Më në fund, zhytësit gjetën trupin e biznesmenit të pafat pardje në një thellësi prej 68 metrash në pikën ku ishte gjetur varka e tij. Vendndodhja u përcaktua nëpërmjet një pajisjeje speciale Sonar të rojës bregdetare, ndërsa konfirmimi erdhi nga një robot nënujor (ROV), i cili regjistroi imazhe si të trupit, ashtu edhe të pjesëve të motorit dhe të pllakave të varkës.

Procesi i nxjerrjes së trupit është planifikuar të bëhet duke përdorur një sistem special “ashensori”, në mënyrë që procesi të mund të kryhet në mënyrë të sigurt nga shtrati i detit pa shkaktuar dëme të mëtejshme. Zhytësit ushtarakë do të koordinojnë operacionin, i cili pritet të përfundojë brenda orëve të ardhshme.

Kush ishte biznesmeni turk Halit Yukay?

I lindur në vitin 1982, Halit Yukay ishte pronar i kompanisë “Mazu Yachts”, e cila prodhon jahte luksoze.

Ai e filloi karrierën e tij profesionale si punëtor ndërtimi anijesh dhe kishte një ëndërr për të krijuar kompaninë e tij. Diçka që e arriti në vitin 2011 me “Mazu Yachts” që njihet në Turqi për disenjet dhe teknologjitë që përdor.

Kompania e tij ka ndërtuar disa seri jahtesh vitet e fundit, nga “Mazu 82” 24.9 metra deri te anija e saj kryesore, 132 DS 40.2 metra.